RECTA Tunica

RECTA Tunica
Festo et Isidoro, quam sursum versum stantesque texebant: quorum ille addit, Rectae vestimenta sunt virilia, quae Patres liberis suis conficienda curant, ominis causâ. Et quidem, ut constat, vetus fuit texturae ratio, quâ mulieres stantes texebant: sed quid sit sursum versum texere, non omnibus notum. Graeci dixêre ἄνω ὑφαίνειν, quem texendi modum omnibus gentibus fuisse usitatum, praeterquam Aegyptis, narrat Herodotus, l. 2. ubi hos κάτω τὴν κρόκην ὤθειν ait. Nempe apud coeteras gentes, cum trama vel fila infra essent, in superioribus texebatur vestimentum, et sic trama semper pectine ad superiorem partem ducebatur et trudebatur, id quod sursum versus vel in altitudinem texere, vocabant. Contrariô modô Aegyptii, ex superioribus, ubi erant fila, vel licia, ad inferiora procedebant, ubi vestimentum, vel tela, quae texebatur, inerat. Prius illud ἀνακρούειν etiam dicebant Graeci, et hôc modô texta ἀνακρουςτὰ, ut videre est apud Isidorum Pelusiotam de Galilaeis. Sed posteriorum rationem omnes postea imitati Graeci, vetusque illa consuetudo et in altum texendi et quae a stantibus peragebatur (Aegyptii enim sedebant) apud solos Linteones permansit: Romanis quoque idem institutum sequutis. Utrumque genus eleganter expressit Seneca. Ep. 90. de quo infra latius. Graeci itaque ὀρθὸν ὕφος, ut Latini Rectam tunicam, dixêre, ςπαθητὸν, ςπάθῃ κεκρουσμένον οὐκτενὶ h. e. spathâ percussam, non pectine: qui enim stantes sursum texebant, non pectine sed spathâ telam percutiebant, cum recentiores, qui sedentes deorsum texebant, pectine eam ferirent, etc. Sed et Recta tunica dici potest, quam Graeci ὀρθὸν et ὀρθοςτάδιον χιτῶνα vocant; quae minime cingeretur: nam ζωςτοὺς illi χιτῶνας distinguunt ἀπὸ τῶ ὀρθοςταδίων; quas etiam ςταδίους appellabant. Cuiusmodi fuisse Poenorum tunicas. discimus ex Tertulliano de Pallio, Sed ne cingulô sinus dividente expeditae et quadratae in Viris stabant. Ubi ςτάδιον χιτῶνα plane expressit. Transiit vox e Latio in Graeciam, unde legimus, apud Hesychium, Ῥεκτὸς, ἀνδρεῖος χιτὼν, Recta virilis tunica. Sic apud Vopisc. Aurelianus Imperator, c. 46. primus paragaudas vectes militibus dedisse dicitur, cum ante non nisi rectas purpureas accepissent; ubi purpureum, non blatteum aut sanguine purpureae tinctum, sed simpliciter rubrum aut russum, adeoque per rectas purpureas, militum russas tunicas, intelligendas esse monet Salmasius; addens, Rectam substantive hic isumi et idem esse quod Tunicam. Vide ibi hanc in rem plura, et supra voce Orthostadia, ac infra Regilla, it. Stare. Coeterum, recta pars in pannis hodie dicitur, quam prosam Veteres vocavêre, item pexam, politis nempe floccis. Ars enim politurae pexitatem in subtemine excitat, non in trama aut stamine; unde ab uno tantum latere pexi illi flocci: ei versa opponitur. Idem ad Solin. p. 391. Apud Lucanum vero ubi de Marsyae fluv. l. 3. v. 207.
Quâ celer et rectis descendens Marsya ripis
Errantem Meandron adit ——— ———
rectae ripae, flexuosis ac recurrentibus opponuntur. Quales sunt praecipitantium fluminum, ut Marsyas est, cui proin declives ripas Ovidius tribuit. Vide Salmas. ad Solin. p. 835. et 836.
Rector, apud Luithprandum, l. 3. c. 7. Constantinum Porphyrog. de Administr. Imp. p. 199. Scylitzem, Zonaram, alios, dignitas est in Imperio Constantinopolitano, de qua Vide Car. du Fresne Not. ad Alex. Annae Comnenae. p. 233. Apud Scriptores Ecclesiae Romanae Rectores Ecclesiarum, dicuntur Praelati, Episcopi, Abbates, Presbyteri Eccles. maxime vero hôc titulô insignis est Curio: unde Rectoria, dignitas eius, vel Ecclesia Parochialis. In eadem Communione, Rectores Apostolici patrimonii, dicti sunt ii ex ordine Clericali, qui a Pontificibus Romanis subinde in provincias et Regna mittebantur, ut Romanae Ecclesiae patrimonium curarent, i. e. massas et familias Ecclesiasticas, de quibus, agit Gregorius M. l. 7. Ind. 2. Epist. 17. census item et denarios S. Petri exigerent, Romamque transmitterent, apud eund. l. 2. Ind. 11. Epist. 32. etc. quod etiam Defensorum fuisse munus, pater ex Gestis Innocentii III. p. 137. Car. du Fresne Glossar. Vide quoque supra Pharnas.

Hofmann J. Lexicon universale. 1698.

Look at other dictionaries:

  • Tunĭca [1] — Tunĭca (lat.), 1) das ärmellose Unterkleid der Römer, welches auf dem bloßen Leibe unter der Toga getragen wurde. Eigentlich war die T. von Wolle, doch trug man zur Kaiserzeit auch leinene Tuniken; die Farbe war gewöhnlich weiß, bei Kindern. u.… …   Pierer's Universal-Lexikon

  • ANACRUSTA — Graece ς᾿νακρουςὰ ὑφάσματα dicuntur, quae sursum impulsô pectine a stantibus olim percutiebantur, ac texebantur, de quibus vide infra, ubi de Recta Tunica, et de Textoria Arte, item in voce Sursum. Sic Laconicae claves ἀνακρουςαι dictae, quod… …   Hofmann J. Lexicon universale

  • SPATHA — apud Anastasium in Benedicto III. Spatam cum auro purissimo ligatam: item imagines duas ex auro purissimo: quid sit, vide supra in voce Spata: uti de investitura per Spathae capulam, suô locô. Alias σπάθη apud Graecos varia signisicat, palmitem… …   Hofmann J. Lexicon universale

  • Туника род одежды* — (tunica) древнеримская нижняя одежда, вошедшая во всеобщее употребление с начала III в. до Р. Х. Мужская Т. (tunica virilis) имела вид нижней рубахи простейшего покроя и была одинакового фасона с греческим хитоном: кусок материи, из которого… …   Энциклопедический словарь Ф.А. Брокгауза и И.А. Ефрона

  • Туника, род одежды — (tunica) древнеримская нижняя одежда, вошедшая во всеобщее употребление с начала III в. до Р. Хр. Мужская Т. (tunica virilis) имела вид нижней рубахи простейшего покроя и была одинакового фасона с греческим хитоном: кусок материи, из которого… …   Энциклопедический словарь Ф.А. Брокгауза и И.А. Ефрона

  • Indumentaria francesa en Argentina — En este artículo sobre cultura e historia se detectaron los siguientes problemas: Necesita ser wikificado conforme a las convenciones de estilo de Wikipedia. Carece de fuentes o referencias que aparezcan en una fuente acreditada …   Wikipedia Español

  • VESTIS — primi hominis innocentia fuit, cui postquam iniquitas successit, vidit se nudum esse, et consutis foliis fecit sibi subligacula, Genes. c. 3. v. 7. ut sic membris minime honestis honorem circumponeret, prout loquitur Paulus 1. Corinth. c. 12. v.… …   Hofmann J. Lexicon universale

  • Siete emblemas de la Universidad de Salamanca — Coordenadas: 40°57′41.01″N 5°40′1.37″O / 40.9613917, 5.6670472 …   Wikipedia Español

  • Arterial tree — In anatomy, arterial tree is used to refer to all arteries and/or the branching pattern of the arteries. This article regards the human arterial tree. Starting from the aorta: Contents 1 Ascending aorta 1.1 right coronary artery 1.2 left coronary …   Wikipedia

  • ПОЧКИ — ПОЧКИ. Содержание: I. Анатомия П.................... 65$ II. Гистология П. . ................ 668 III. Сравнительная физиология 11......... 675 IV. Пат. анатомия II................ 680 V. Функциональная диагностика 11........ 6 89 VІ. Клиника П …   Большая медицинская энциклопедия

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.